ابرز دلائل على خيانة زوجك

مساء الخير اليوم هنتكلم فى موضوع مهم جدا لكل ست
طبعا من اصعب الاشياء الى ممكن تواجهها اى ست هى الخيانه الزوجيه وكتيير ستات بتعيش فى عذاب الشك لسنوات طويله ومبتقدرش تمسك دليل واحد يأكد على ظنونها دى وطبعا حاجه من الاتنين يإما هى غلطانه يإما الزوج ذكى جدا وواخد باله كويس وانا النهارده هقولك ازاى تأفشيه لو بيتذاكى عليكى يعنى وربنا يقدرنا على فعل الخير يابنات

شوفوا ياستات اول حاجه لازم تاخدى بالك منها هى مظهر جوزك يعنى مثلا بيهتم بمظهره بره البيت وجواه لا بيقف ادام المرايه فتره طويله قبل ما يخرج بيهتم اكتر من اللازم بشعره وملابسه وجسمه بيشترى عطور كتيير اوى كل يوم والتانى وكمان كل شويه يشترى هدوم جديده بلا داعى وكدا يعنى خلى بالك بأه لو شوفتى العلامه دى عليه ركزى معاه بزياده شويه

تانى حاجه موبايله ودا بأه اساسى تاخدى بالك منه يعنى مثلا عامل لوك للموبايل لو عرفتيه يغيره مش بيسيبه بياخده فى حضنه وهو نايم كمان بيقفله لو كنتوا قاعدين لوحدكوا وكتيير مش بيرد عليكى بره البيت او موبايله بيكون مغلق بتلاقى فى المكالمات الوارده اسم معين بيكلمه كتير  او ديما بيمسح السجل اول باول لو الموبايل رن وهو فى البيت تلاقيه قالك دا حد مش مهم وبعدها بدقائق يتحجج بأى حاجه ويبعد ويتكلم فى الموبايل وينهى المكالمه بسرعه لو لاقيتى الكلام دا بيحصل يبقى ممكن جدا جدا يكون فى ست تانيه فى حياة جوزك فخلى بالك 

الحاجه التالته الى لازم تخلى بالك منها هى ظهور اصدقاء وهميين فى حياة جوزك يعنى مثلا كنت فين كنت بتغدى مع عباس يتأخر بالليل كنت فين كنت بتعشى انا وعباس يبات بره ايه الى بيحصل اصل عباس عمل حادثه وكنت معاه فى المستشفى تكلميه فى التليفون انت فين يابيبى دا انا بتمشى انا وعباس وهكذا تعملى ايه انتى بأه تصرى انك تعزمى عباس عندك على الغدا ولو رفض يبقى تراقبيه وخلى بالك ممكن يجيب اى شخص تانى يعمل عباس استجوبيه تفننى فى توقيع سى عباس فى الكلام مثلا ايه رايكوا اكلى احلى ولا اكل المطعم انتوا اكلتوا ايه صحيح لما كنتوا بتتعشوا بره اخر مره وهكذا يعنى مش هوصيكوا طبعا ياستات انطلقوا بأه

حاجه بردو مهمه جدا خلى بالك كويس منها مصاريف جوزك زادت ولا لا حالته الماديه بقت اسوا ليه فلوسه بتروح فين أسأليه لو انتى شايفه ان اجاباته مش مقنعه او بيتهرب وحاول يقلب الترابيزه عليكى دورى على فواتير فى جيوبه او فى محفظته لعل وعسى تلاقى الدليل

كمان اسلوب جوزك معاكى يعنى مثلا مثلا بيتعصب عمال على بطال بدون اى داعى بيحاول يتجنب الكلام معاكى بيكلمك وهو باصص فى اى حته تانيه لانه خايف يواجهك بيكلمك باسلوب جاف يعنى اسلوبه متغير بوجه عام معاكى او العكس تماما يعنى مثلا الهدايا زادت بشكل غريب والكلام الحلو كمان بيعدى اى غلطات ليكى ممكن جدا يكون بس بيدارى على عملته فأوعى تنخدعى بالحركات دى وخلى بالك كويس جدا جدا

ولان الغيره طبع فى الستات لو فى ست تانيه فى حياة زوجك تأكدى انها هتحاول توصلك رساله بشك مخفى شويه مثلا شعرايه على هدومه برفيوم حريمى وهكذا يعنى فخلى بالك كويس من الرسايل دى

طيب لو جوزك بأه بيقضى وقت طويل على النت وانتى شاكه انه بيكلم واحده تانيه غيرك اقولك ياستى شوفى صديقه تكون امينه واطلبى منها تكلم جوزك وتشوف رد فعله علاقه وهميه يعنى علشان تكشفيه على حقيقته والله رفض يبقى انتى كنتى ظلماه وافق يبقى شكك فى محله فعلا وقطعتى الشك باليقين  وارتحتى

لو حابه تظبطى جوزك متلبس تعملى ايه تحفرى حفره وتغطيها بقش ازاااى اقولك انا ازاى اطلبى منه تسافرى يومين وافضلى وراه لحد ما يوافق وحضرى ادامه الشنط وكله تمام وبعدين راقبيه كويس شوفيه هيروح فين لو فى ست تانيه فى حياته اول حاجه هيفكر فيها انه يقابلها وعليكى بس تظبطيه متلبس

طبعا كل الحاجات دى ممكن تكون دلائل على خيانه الزوج ولكن مش اكيد فياريت تتاكدى الاول من جوزك قبل اى رد فعل ممكن يكون مش فى محله

لو انتى ست قويه وتقدرى تسامحى لو اكتشفتى خيانه جوزك لا سمح الله يبقى ياريت والله هيكون صعب عليكى تسامحى يبقى تنفصلى فى هدوء تام  

بكدا يكون موضوعنا النهارده خلص واتمنى اكون افدتكم يابنات وتصبحوا على خيير ......