فاونديشن بيتى

فاونديشن  بيتى

طبعا باه اكتر حاجه مخوفانا على بشرتنا هى الميك اب والمشاكل الكتير الى بتحصل بسبب كثرة الإستخدام من ارهاق للبشره وحبوب من اثر الاستخدام واحيان كتير حساسيه وغيره وغيره كتير مشاكل فبنقع فى حيره نعمل اييه ؟ نبطل ميك اب اصلا ولا بلاش جزه البيت ونستخدمه بره وبس ولا بلاش بره وكفايه نستخدمه فى البيت فقط؟

انا هقولكوا علشان مفيش ست مش بتحب تهتم بمظهرها سواء فى بيتها او براه والميك اب عاملنا مشاكل يبقى لازم نستخدم ميكب ميعملش مشاكل هقولكوا ازاى نعمل فاونديشن بيتى وروجات وبلاشر وحاجات تانيه كتيير وكلها من مواد طبيعيه نبدأ مع بعض بالفاونديشن
اكيد كلنا فى فى بيوتنا الخامات البسيطه الى هقولوكوا عليها دى
 الخامات

اولا :بن او كاكاو
ثانيا :بودره تلك خمس خمسات بتاع الاطفال دى
ثالثا: كريم مرطب من النوع الى بترتاحى فى استخدامه ايا كان
متهيألى بسيطه جدا المكونات

الطريقه

نجيب علبه فاضيه تكون نضيفه وناشفه كويس جدا وممكن كمان نحضر الفاونديشن بتاعنا فى نفس العلبه بتاع الكريم المرطب
 ننقص منها نصها مثلا وبعدين نبدأ واحده واحده كدا وبكميات صغيره نضيف بودرة التلك بتاعتنا معلقه صغيره بمعلقه صغيره
وبعد  نبدأ نقلبها كويس جدا لحد ما نوصل للقوام المناسب مش سايل اوى ومش متماسك زياده متوسط التماسك يعنى وبعد اما نتأكد ان قوامه مناسب جدا نبدأ نضيف بودرة الكاكاو أو البن المطحون بس طبعا هنضيف نترات بسيطه جدا ونقلب كويس جدا وبعدين نجرب على جزء من وشنا لو محتاجين نغمقه نضيف تانى نترات بسيطه من البن او الكاكاو  ونفضل نجرب لحد ما نوصل لدرجة اللون المناسبه لبشرتنا طبعا اما لو اغمق مننا زياده هنضيف حاجه بسيطه من الكريم المرطب على بودرة التلك تانى وهكذا لحد ما نظبط الدرجه بتاعتنا

لو فى مشاكل فى بشرتنا سواء بأه هالات سودا او بقع حمرا او خلافه فنصيحه منى نعمل علبتين من الفاونديشن دا واحده تكون اغمق درجه من لون بشرتنا ودى علشان ندارى بيها العيوب وعلبه تانيه افتح درجه واحده من لون بشرتنا 
وعند الاستخدام هنحط الاول الدرجه الغامقه وبعدين الدرجه الفاتحه
وبكدا نقدر نستخدمه طول اليوم وكمان ننام بيها حتى لو حبينا ومش هيكون ليه اى ضرر طبعا

اظن الوصفه بسيطه جدا جدا جدا وكمان غير مكلفه وممكن كلنا نجربها وطبعا يهمنى رأيكوا وهستناه اكيد وانتوا كمان استنوا منى مواضيع تانيه كلها جديده ومجربه وطبعا حلوه جدا